}{لاصــرت ~بــايعني ~اشوفكـ على ~خير~وسلامــه}{

لا صرت بايعني أشوفك على خير
............. مع السلامة دام ما به سلامه

قلت انتهينا قلت لك خير يا طير
........... ما ني بأول شخص يخسر غرامه

محذرك قبله ألف تحذير
............. لا عفتني بيعيف قلبي هيامه

ما ني بميت ولا احتاج تبرير
............ صح الله لسانك ووفر كلامه

بسمعك حبكه وفكره وتصوير
.............. وافهم عدل يامدعي بالفهامة

وجه الشعر ابيض ويحتاج تغيير
............. ودي تزين هالقصيده علامة

ماضيك الأسود بذكره دون تقصير
............ كذا يكون بخد هالشعر شامه

يصدق معي تعبير ويخون تعبير
............. يا ضيعة الشاعر بوقت انسجامه

يمكن خطا أدونك بالشعر مير
............... لوما احترمتك للغرام احترامه

ما كان حبك غير بس طعنتك غير
............... علمتني معنى الندم والندامة

ماجاك مني أي زله وتقصير
.............. كل ماخطيت أعاتبك ببتسامه

حسبي على الذكرى اذا هبيت عصير
............... ماعاد تنفع شرهتي والملامه

البال ضامي وقتها والحزن بير
............. خسرت وهمي كسبت أهتمامه

والليل فازع لك كذا جاني مغير
..............ظلمتني واكثر ظلمني ظلامه

لا أقبل علي أوحيت صوت المسايير
........... وفزيت كل ضيف أقوم بمقامه

وليا عزم هالليل ضيقه وتفكير
................ قل لي بربك كيف بقدر أنامه

مافيه داعي للعتب والمعاذير
............. الغدر خال الجرح وأطيب عمامه

أن مايجيب الله مطر تالي وخير
................ وإلاالسلامه ماش مامن سلامه